Innrapporteringar konkursbu

Skjemaet skal sendast til Konkursregisteret samtidig som du sender rapporten til tingretten. Rapporten skal gjerast tilgjengeleg for kreditorar, skyldnaren og Konkursregisteret i samsvar med konkurslova §§ 120, 121 og 122, og konkursregisterforskrifta § 7.

For å fylle ut og sende inn dette skjemaet må du ha skrivetilgang i konkursbuet. Fullmakta blir automatisk tildelt den som er registrert som bustyrar i konkursbuet. Bustyrar kan delegere skrivetilgang til andre tilsette ved advokatkontoret, for eksempel andre advokatar, advokatfullmektigar og sekretærar.

Du må ha sikkerheitsnivå 4 for å kunne fylle ut og signere skjemaet.

Du må legge ved enten ein midlertidig rapport, ei årsutgreiing eller ein sluttrapport til skjemaet.

Føremålet med skjemaet er å gjere innrapporteringane i bubehandlinga tilgjengelege for kreditorar og andre i tenesta Konkursbehandling, og få registrert nøkkelopplysningar og innrapporteringa i Konkursregisteret. Når skjemaet med vedlegg blir sendt inn i Altinn, blir innrapporteringa lagt ut i tenesta Konkursbehandling og registrert i Konkursregisteret.